اسکان بیش از هزار پناهنده افغانستانی در استان بدخشان تاجیکستانسخنگوی استاندار منطقه بدخشان تاجیکستان از اسکان بیش از هزار پناهنده افغانستان در این کشور خبر داد. - به گزارش سایت قطره و به نقل ازخبرنگار خبرگزاری فارس در دوشنبه، غالب نیت بیک اف سخنگوی استاندار منطقه بدخشان تاجیکستان از اسکان بیش از هزار پناهنده افغانستان در این کشور خبر داد. نیت بیک اف به دلایل امنیتی، محل اسکان پناهندگان را مشخص نکرد، اما گفت که بخش عمده آنها را زنان، کودکان و افراد مسن تشکیل می دهند. بنابر سخنان وی، نمایندگان کمیساریای عالی پناهندگان سازمان ملل، دفتر سازمان ملل در امور امنیت، دفتر هماهنگ کننده دائم سازمان ملل در تاجیکستان و خدمات آقاخان ضمن دیدار با یادگار فیض اف استاندار منطقه بدخشان تاجیکستان از دولت این کشور برای پذیرفتن پناهندگان افغان تقدیر کردند. در این جلسه تاکید شد که پذیرش پناهندگان از افغانستان، به ویژه در شرایط متشنج در منطقه، مشکلات اقتصادی و امنیتی در پس زمینه شیوع موج دوم کرونا، نمونه ای از احساس مسئولیت بسیار تاجیکستان در قبال بشریت است. فیض اف اظهار داشت که مقامات منطقه ای تاجیکستان با تمام ساختارهای دولتی، شرکای توسعه و مردم برای تامین حداکثری پناهندگان با غذا، مسکن و خدمات پزشکی همکاری می کنند. برچسب ها: |
آخرین اخبار سرویس: |